Рэспубліканская выстава-конкурс «Лёд. Кветкі. Фантазія»
22 і 23 снежня 2021 года ва Установе адукацыі "Рэспубліканскі цэнтр экалогіі і краязнаўства" пройдуць вочныя намінацыі для навучэнцаў і педагогаў устаноў дадатковай адукацыі дзяцей і моладзі ў рамках рэспубліканскай выставы-конкурсу "Лёд. Кветкі. Фантазія».
Выстаўка-конкурс праходзіць у мэтах фарміравання экалагічнай культуры, развіцця творчых здольнасцей вучняў і фларыстычнага мастацтва сродкамі стварэння кампазіцый з прыроднага матэрыялу, павышэння прафесійнага майстэрства педагогаў дадатковай адукацыі дзяцей і моладзі.
Яркімі сакавітымі фарбамі і незвычайнымі формамі парадуюць калядныя і навагоднія работы з прыродных матэрыялаў, фларыстычныя калажы і скульптуры. Усяго на выставе будзе прадстаўлена больш за 500 творчых работ у намінацыях:
- настольная кампазіцыі "Снежны настрой",
- фотазона «З Новым годам!»,
- ёлачная цацка «Новая старая казка»,
- фларыстычны аб'ект «У гасцях у Снежнай каралевы»,
- фларыстычны калаж - каляндар «Сімвал года 2022»,
- калядны вянок «Свята ў хаце».
Адкрыццё мерапрыемства адбудзецца 22 снежня а 14 гадзіне.
З 14.30 пачнецца выкананне вочных намінацый. 22 юныя фларысты з усіх абласцей, пераможцы адборачных тураў, прадэманструюць сваё майстэрства і фантазію, уменні ў стварэнні настольнай кампазіцыі "Снежны настрой" з галінак піхты, жывых кветак, шарыкаў, гузоў і дэкаратыўных элементаў.
7 каманд, якія складаюцца з педагога і 2 навучэнцаў ад кожнай вобласці і горада Мінска, будуць ствараць фотазону "З Новым годам!", якая абавязкова будзе ўключаць навагоднюю прыгажуню-фларыстычную ялінку.
23 снежня ў 10.30 для юных фларыстаў пройдзе майстар-клас "Саветы прафесіянала" і дэманстрацыя конкурсных работ.
Усе наведвальнікі выставы-конкурсу змогуць атрымаць асалоду ад казачнай чароўнай атмасферы, адчуць водар каляд і па-новаму зірнуць на свет вачыма дзяцей.
Падвядзенне вынікаў і ўзнагароджанне пераможцаў вочных намінацый адбудзецца 23 снежня 2021 года ў 13.30.
Дадатковую інфармацыю можна атрымаць на сайце Рэспубліканскага цэнтра экалогіі і краязнаўства https://rcek.by/ і па тэлефоне: + 375 17 2729178 (аддзел прыкладной батанікі і фітадызайну).
Месца правядзення: Установа адукацыі "Рэспубліканскі цэнтр экалогіі і краязнаўства", вул. Макаёнка, 8, г. Мінск.
Праграма правядзення штогадовай рэспубліканскай выставы-конкурсу “Лёд. Кветкі. Фантазія»
