Конкурс даследчых праектаў "Стакгольмскі юніёрскі водны прыз-2019"

З 25 па 30 жніўня 2019 года ў г. Стакгольм (Швецыя) праходзіць Сусветны тыдзень вады (https://www.worldwaterweek.org/), у рамках якой будзе праведзены 23-і Конкурс даследчых праектаў навучэнцаў «Стакгольмскі юніёрскі водны прыз-2019» (https://www.siwi.org/prizes/stockholmjuniorwaterprize/).

У Конкурсе бяруць удзел школьнікі з 35 краін: Аргенціна, Аўстралія, Бангладэш, Беларусь, Бразілія, Канада, Чылі, Кітай, Кіпр, Данія, Эквадор, Францыя, Германія, Венгрыя, Ізраіль, Італія, Японія, Латвія, Малайзія, Мексіка, Нідэрланды , Нігерыя, Нарвегія, Рэспубліка Карэя, Расійская Федэрацыя, Сінгапур, Паўднёвая Афрыка, Іспанія, Швецыя, Швейцарыя, Тайланд, Турцыя, Украіна, Вялікабрытанія і ЗША. 25 і 26 жніўня будзе праведзена ацэнка праектаў, прысвечаных даследаванням вады і водных экасістэм, а ўжо 27 жніўня стануць вядомы імёны пераможцаў.

Падрыхтоўка ўдзельнікаў 23-га Конкурсу даследчых праектаў навучэнцаў "Стакгольмскі юніёрскі водны прыз" да абароны праекта

У 2019 годзе беларускія школьнікі бяруць удзел у Конкурсе ў 13 разоў. Сокал Ягор з в. Наваельня Дзятлаўскага раёна Гродзенскай вобласці і Ханкевіч Аляксандра з г. Барысава Мінскай вобласці, якія прайшлі падрыхтоўку ў Рэспубліканскім цэнтры экалогіі і краязнаўства, прадставяць праект на тэму "Паляпшэнне якасці вады рыбных сажалак шляхам дабаўлення хларэлы". Праект прысвечаны вывучэнню ўплыву зялёнага багавіння хларэлы звычайнай на ўтрыманне нітратаў, нітрытаў, амонія, фасфатаў, іёнаў жалеза, растворанага кіслароду ў вадзе, а таксама на прадуктыўнасць люстранога карпа. Прапанаваная методыка альгалізацыі рыбных сажалак з'яўляецца новай, абгрунтаванай на практыцы і эканамічна выгаднай.