Конкурс малюнкаў і відэаролікаў на тэму "Аднавім нашу Зямлю!"

Конкурс малюнкаў і відэаролікаў на тэму "Аднавім нашу Зямлю!" адбудзецца з 3 па 25 лютага 2021 года у рамках праекта "Уцягванне грамадскасці ў экалагічны маніторынг і паляпшэнне кіравання аховай навакольнага асяроддзя на мясцовым узроўні", які фінансуецца Еўрапейскім Саюзам і рэалізуецца Праграмай развіцця ААН у партнёрстве з Міністэрствам прыродных рэсурсаў і аховы навакольнага асяроддзя Рэспублікі Беларусь і Міністэрствам адукацыі Рэспублікі Беларусь.

Мэта конкурсу - фарміраванне ў дзяцей адказных адносін да навакольнага асяроддзя.

Задачамі конкурсу з'яўляюцца:

папулярызацыя экалагічна дружалюбных паводзін сярод дзяцей;
інфармаванне аб актуальных экалагічных праблемах і спосабах іх вырашэння, у тым ліку з дапамогай зялёных тэхналогій для аднаўлення лясоў і глеб;
папулярызацыя адукацыйнага праекта "Зялёныя школы" як інструмента для фарміравання экалагічнага светапогляду ў дзяцей.

Да удзелу у конкурсе запрашаюцца навучэнцы ўстаноў, якія рэалізуюць адукацыйны праект "Зялёныя школы" ў Беларусі.

Удзельнікі павінны прадставіць малюнак або відэаролік, які адпавядае тэматыцы конкурсу. Умовы правядзення конкурсу і патрабаванні да работ можна знайсці ў Палажэнні (размешчана ніжэй).

Да ўдзелу прымаюцца працы са наступнай тэматыкай:

аднаўленне лясоў;
аднаўленне балот;
аднаўленне папуляцый дзікіх жывёл;
ачышчэнне акіяна ад пластыка;
баланс экалагічных сістэм;
захаванне і аднаўленне глеб;
удасканаленне метадаў вядзення сельскай гаспадаркі;
беражлівыя адносіны да навакольнага асяроддзя;
важнасць экалагічна сяброўскіх паводзін чалавека;
захаванне навакольнага асяроддзя для будучых пакаленняў;
эколаг вачыма дзяцей.

Запрашаем прыняць удзел!

З Палажэннем аб конкурсе малюнкаў і відэаролікаў можна азнаёміцца. ТУТ.

ВАЖНА:

! Малюнак неабходна прымацоўваць да заяўкі ў электронным выглядзе;

! У заяўцы трэба ўказваць выбраную тэму малюнка, можна прыдумаць малюнку назву;

! Арыгінал малюнка трэба даслаць звычайнай поштай арганізатарам;

! Відэаролікі, прадстаўленыя на конкурс, павінны быць зняты ў перыяд правядзення конкурсу - з 3 па 25 лютага.