Рэспубліканскі профільны лагер «Юны лесавод»
З 12 па 20 чэрвеня 2019 года на базе ДАЛ «Дружба» пас. Энергетыкаў Дзяржынскага раёна Мінскай вобласці адбыўся рэспубліканскі профільны аздараўленчы лагер "Юны лесавод", у рабоце якога прынялі ўдзел 30 навучэнцаў Рэспубліканскай школы актыву юных лесаводаў.
dav 
Для навучэнцаў выкладчыкамі лесагаспадарчага факультэта Беларускага дзяржаўнага тэхналагічнага ўніверсітэта праводзіліся лекцыі і практычныя заняткі па лесаводстве, лясной батаніцы, абароне лесу ад хвароб і шкоднікаў, азнаямленні з ляснымі звярамі і птушкамі. Па выніках вучэбнай праграмы навучэнцы здавалі залікі. У рамках вучэбнай праграмы ўдзельнікі лагера наведалі батанічны сад Негарэльскага вучэбна-доследнага лясгаса, які налічвае больш за 650 відаў дрэў і кустоў з многіх краін свету.
Выхаваўчая праграма ўключала ў сябе правядзенне пазнавальна-забаўляльных, спартыўных мерапрыемстваў, інтэлектуальных гульняў, розных шоу-праграм. З задавальненнем юнакі і дзяўчаты наведалі Цэнтральны батанічны сад НАН Беларусі, Белдзяржцырк, сталі ўдзельнікамі хімічнага шоу.
Час, праведзены ў летніку, запомніцца яго ўдзельнікам. А многія ўжо зараз мараць прыехаць у лагер на наступны год.
Будзем чакаць новых сустрэч з юнымі лесаводамі.
