Турысцкі злёт навучэнцаў Саюзнай дзяржавы 2019
У Дзямідаўскім раёне Смаленскай вобласці завяршыўся Турысцкі злёт навучэнцаў Саюзнай дзяржавы.
У 2019 годзе ён праходзіў у нацыянальным парку "Смаленскае паазер'е". На беразе возера Бакланоўскае сабраліся юныя турысты Расіі і Беларусі, каб пазмагацца за перамогу ў творчых і спартыўных спаборніцтвах, пазнаёміцца з культурай і традыцыямі розных рэгіёнаў, знайсці новых сяброў і актыўна бавіць час на свежым паветры.
Фотагалерэя Злёту https://vk.com/tursletsmolensk2019
Усяго ў злёце прынялі ўдзел 30 каманд з Расійскай Федэрацыі і 7 каманд з Рэспублікі Беларусь - 6 зборных каманд з абласцей і каманда з г. Мінска. Каб патрапіць на турысцкі злёт Саюзнай дзяржавы, удзельнікі прайшлі сур'ёзны адбор у сваіх рэгіёнах. У Рэспубліцы Беларусь - гэта пераможцы абласных і рэспубліканскіх спаборніцтваў па спартыўным турызме.
Турысцкі злёт Саюзнай дзяржавы - адзін з самых маштабных маладзёжных праектаў, накіраваных на ўдасканаленне турысцкіх навыкаў, далучэнне моладзі да здаровага ладу жыцця і ўмацаванне сяброўскіх сувязей паміж юнымі турыстамі Расіі і Беларусі. Арганізатарамі злёту традыцыйна выступілі Пастаянны Камітэт Саюзнай дзяржавы, Міністэрства асветы Расійскай Федэрацыі, Міністэрства адукацыі Рэспублікі Беларусь.
На працягу 6 дзён старшакласнікі спаборнічалі ва ўменні арыентавацца на мясцовасці, пераадольваць перашкоды індывідуальна і групай на кароткай пешаходнай дыстанцыі, камандай прайшлі кантрольны турысцкі маршрут. Юныя турысты з г. Мінска сталі другімі ў выглядзе "Арыентаванне на мясцовасці", у Магілёўскай вобласці - трэці вынік, і пераможнае першае месца ў кароткай каманднай дыстанцыі.
У конкурснай праграме каманды з Рэспублікі Беларусь таксама атрымалі высокія адзнакі. Беларускія хлопцы змаглі найбольш яскрава і артыстычна расказаць пра свае каманды і рэгіён, паказаць пазітыўнае стаўленне да турызму і здаровага ладу жыцця.
Каманды Рэспублікі Беларусь занялі наступныя прызавыя месцы:
Конкурс прадстаўлення каманд
Група А
1 месца - каманды Брэсцкай і Мінскай абласцей;
2 месца - каманда Магілёўскай вобласці;
3 месца - каманды г. Мінска і Гродзенскай вобласці.
Група В
2 месца - каманда Гомельскай вобласці.
Конкурс турысцкіх газет
Група А
1 месца - каманды Брэсцкай і Гродзенскай абласцей;
2 месца - каманда Мінскай вобласці;
3 месца - каманда Магілёўскай вобласці.
Група В
2 месца - каманды Гомельскай і Віцебскай абласцей;
3 месца - каманда Гродзенскай вобласці.
Конкурс "Турысцкія навыкі"
Група А
1 месца - каманда Брэсцкай вобласці;
2 месца - каманда Мінскай вобласці;
3 месца - каманда Магілёўскай вобласці.
Група В
1 месца - каманды Гомельскай вобласці;
2 месца - каманда Віцебскай вобласці.
Конкурс краязнаўцаў
Конкурс праходзіў з вызначэннем асабістых і камандных месцаў. У камандным заліку пераможцамі і прызёрамі сталі:
Група А
2 месца - каманды Брэсцкай і Магілёўскай вобласці;
3 месца - каманда Мінскай вобласці.
У асабістым заліку:
Група А
1 месца – Берынчык Уладзіслаў (каманда Магілёўскай вобласці);
2 месца - Навіцкі Андрэй (каманда Мінскай вобласці);
3 месца - Кунда Марыя (каманда Брэсцкай вобласці);
3 месца - Міронаў Арсеній (каманда г. Мінска);
3 месца - Кавалькоў Данііл (каманда Магілёўскай вобласці).
Апроч конкурсаў і спартыўных спаборніцтваў арганізатары падрыхтавалі шырокую забаўляльную праграму. Экскурсіі, інтэлектуальныя спаборніцтвы і гульні, разнастайныя майстар-класы, дыскатэкі, канцэрты, пазаконкурсныя спартыўныя турніры.
20 ліпеня былі вызначаны пераможцы і прызёры Турысцкага злёту навучэнцаў Саюзнай дзяржавы. Традыцыйна Пастаянны камітэт Саюзнай дзяржавы ўзнагароджвае спецыяльнымі прызамі дзве наймацнейшыя каманды Расіі і Беларусі. У 2019 годзе пераможцамі сталі Рэспубліка Марый Эл і Магілёўская вобласць, якая ў наступным годзе прыме эстафету спаборніцтваў. Праз год юныя турысты Расіі і Беларусі зноў сустрэнуцца, на гэты раз на тэрыторыі Рэспублікі Беларусь.
